FJALLAHJÓLAROKK: 2022
BLANDA AF ÞVÍ BESTA

MTB ICELAND

 

“ÞESSAR KLASSÍSKU!”

Blanda af bestu fjallahjólaleiðum Suðurlands. Við hjólum nýjar leiðir við Hveragerði, nýja frábæra leið niður Laxárgljúfur og endum síðan á því að fara hina mögnuðu leið frá Háafossi að Stöng í Þjórsárdal.

SKRÁNING

VILTU KOMA MEÐ?

Tryggðu þér pláss hér

DAGUR 1
BROTTFÖR
Leggjum af stað um kl. 15:00 og keyrum áleiðis í Hveragerði. Hjólum nýjar leiðir um Grænadal og eru taldar sumir skemmtilegustu einstígar landsins. Endum í Hveragerði. Keyrum um 10 mínútur á Selfoss og fáum okkur kvöldmat í Mathöllinni. Eftir það keyrum við á Midgard á Hvolsvelli þar sem við gistum næstur tvær nætur.
DAGUR 2
HATTA OG DYRHÓLAEY
Rúmlega klukkutíma keyrsla á upphafstað við Laxárgljúfur. Þar hjólum við single track leið sem liggur skammt frá gljúfurbarminum. Leiðin endar á frekar grýttum kafla niður að Hrunakrók þaðan sem tekur við malarvegur niður að Flúðum. Klárum daginn í Gömlu Lauginni áður en haldið er aftur á Hvolsvöll.
DAGUR 3
ÞJÓRSÁRDALUR
Pökkum saman og höldum af stað akandi í Þjórsárdalinn. Þar hjólum við eina af allra skemmtilegustu fjallahjólaleið hálendisins. Byrjum á því að klifra upp að Háafossi, rétt um 6 km með tveimur “litlum” brekkum. Þaðan tekur við single track leið sem er alveg passlega krefjandi fyrir byrjendur sem lengra komna sem endar við Stöng. Klárum daginn í Bjór og Baði í útisundlaug áður en haldið er heim á leið.
Birt með fyrirvara um einhverjar lítilsháttar breytingar

2022
1 - 3 júlí

HÓPASTÆRÐ
8 - 18 konur

SÉRHÓPAR!
Við getum skipulagt þessa ferð fyrir sérhópa sem vilja velja sínar eigin leiðir og dagsetningar.
Sendið okkur fyrirspurn og óskið eftir tilboði: info@bikecompany.is

VERÐ
65.000 ISK (staðfestingargjald 15.000 ISK)

Greiðslur með millifærslu: Banki: 308-26-58041, kt. 580411-1850
INNIFALIÐ
  • Kvöldmatur x2, morgunmatur x2
  • Flutningur á fólki og hjólum til og frá Reykjavík
  • Gisting í tvær nætur í uppábúnum rúmum á Midgard Base Camp
  • Fjallahjólaleiðsögn
  • Leiðarlýsing, kort, nauðsynleg viðgerðartól fyrir hjól og fyrstuhjálparbúnaður
EKKI INNIFALIÐ
  • Fjallahjól og allur persónulegur búnaður sem er nauðsynlegur fyrir hjólaferð
  • Hádegisnesti og miðdegis snakk
  • Aðgangur í sundlaugar Suðurlands
  • Ferðatryggingar
  • Bús, gos og sælgæti
 

NÆSTU SKREF
Þegar þú hefur greitt staðfestingargjaldið fyrir ferðina færðu senda kvittun fyrir greiðslunni. Nánari upplýsingar koma síðan nokkrum vikum fyrir brottför.

SPURNINGAR?
Endilega sendu okkur tölvupóst ef þú hefur einhverjar spurningar info@bikecompany.is

MATUR
Morgun- og kvöldmatur verður í Mathöllinni á Selfossi og á Midgard Base Camp. Undirbúum hádegisnesti sem þið sjáið um sjálfar um morguninn.
Látið vita ef þið hafið séróskir eða ef þið eruð með einhvers konar matarofnæmi.

GISTING
Midgard Base Camp er sjarmerandi gistiheimili á Hvolsvelli. Fullkomlega staðsett fyrir leiðirnar sem verða farnar í þessari ferð.

ERFIÐLEIKASTIG
Ferð fyrir nokkuð vanar fjallahjólakonur sem telja sig nokkuð vel á sig komnar líkamlega. Leiðirnar eru á köflum tæknilegar og nauðsynlegt er að hafa góða hraða- og bremsutækni. Dagleiðir eru um 15 - 20 km. 4 - 5 klst á dag með hádegis hvíldinni.

TRÚSS
Berum eingöngu létta bakpoka yfir daginn. Allt annað dót er hægt að geyma í bílnum.

STÍGAR OG LEIÐIR
Að mestu leiti frábær einstigi.

TRYGGINGAR
Í fjallahjólaferðum er mikilvægt að vera með góða tryggingu. Ferðatryggingar eru yfirleitt innifaldar í fjölskyldutryggingum og ef ferð er greidd með kreditkorti en við ráðleggjum þér að staðfesta fyrir brottför að þínar tryggingar tryggi þig í þeirri ferð sem þú velur þér, bæði þig og hjólið þitt.

ÚTBÚNAÐARLISTI
Fjallahjól af vandaðri gerð með framdempara eða fulldempað. Hjálmur og hjólaskór sem þurfa ekki að vera klipptir í pedala. Afar mikilvægt að hjólið sé vel yfirfarið og í toppstandi fyrir ferð.

í bakpoka
  • Langerma hjólapeysa
  • Þunn micro-flíspeysa innanundir
  • Þunn dún- eða primaloft úlpa
  • Gore-tex stakkur
  • Fjallahjólastuttbuxur
  • Púðabuxur (stuttar eða síðar)
  • 2 aukapör sokkar úr ull
  • Hlýir og góðir hjólavettlingar eða hjólagrifflur
  • Sólgleraugu og sólvarnarkrem
  • Myndavél, Go-Pro, GPS, Garmin...
  • Vatnsbrúsar á hjóliðeða camelpoki
  • Helstu varahlutir sem gott væri að hafa með fyrir hjól af ykkar gerð!
Á næturstað:
  • Handklæði
  • Sundföt
  • Auka nærfatnaður
  • 2 pör af aukasokkum
  • Kósíföt og inniskór
  • Dúnúlpa
Sameiginlegur búnaður sem hópurinn skiptir með sér:  
  • Lágmark fyrstuhjálparbúnaður
  • Burstar, tuskur og nóg af keðjuolíu
  • Pumpur / demparapumpa
  • Fjölverkfæri fyrir hjól
  • Keðjuþvinga
  • Slöngur (ath. með réttum ventlum m.v. hjól)
  • Dekkjaviðgerðarsett
  • Lítil bensli (plastbönd) / Tesateip
  • Keðjuhlekkir
  • Bremsuvökvi og blæðiset
  • Kaplar fyrir afturbremsur/afturgíra
  • Gjörð/dekk
  • Komið endilega með það sem þið eigið á ykkar hjól
TIL BAKA Í ALLAR LENGRI FERÐIR 2022
TOP