LANDMANNAHELLIR: 2 HJÓLADAGAR

mtb iceland

ALGJÖRLEGA MÖGNUÐ FERÐ!

Þessi ferð er samansett af 2 hjóladögum þar sem við hjólum (nánast) eingöngu á einstígum. Fjallahjólarar sem hafa ferðast með okkur hafa sett þessar leiðir á lista yfir bestu “single track” í heiminum.

Landmannahellir í Dómadal á Fjallabaki hefur frá fornu fari verið viðkomustaður leitarmanna á Landmannaafrétti og er þar af leiðandi umkringdum þéttum kindastígum sem reynast fullkomnir fjallahjólastígar. Landmannalaugar þarf líklega ekki að kynna neitt frekar, en þar er að finna endalausa möguleika af “single track” leiðum sem zikzakkast um dalinn.

Þessi ferð er frábær, leiðirnar eru algjört masterpís og skipulagið verður betra með hverju árinu.

VERÐ
64.000 ISK
Greiðslur með millifærslu: Banki: 308-26-58041, kt. 580411-1850
INNIFALIÐ
  • Flutningur til og frá Reykjavík með fólk og búnað
  • Kvöldsnakk á degi 1, 3ja rétta kvöldmatur á degi 2 og morgunmatur á degi 2 og 3
  • Snakk og orkustykki að vild
  • Gisting í svefnpokaplássi í fjallaskála (2 nætur)
  • Fjallaleiðsögumaður
  • Nauðsynleg öryggistæki og fyrstuhjálparbúnaður
EKKI INNIFALIÐ
  • Fjallahjól og allur persónulegur búnaður sem er nauðsynlegur fyrir hjólaferð
  • Hádegisnesti báða dagana
  • Ferðatryggingar
  • Bús, gos og sælgæti

BÓKA FERÐ

SPURNINGAR?
Endilega sendu okkur tölvupóst ef þú hefur einhverjar spurningar info@bikecompany.is

DAGUR 1
BROTTFÖR
Leggjum í hann kl. 19.00 frá Skeifunni 11b. Væri gott að vera mætt um 18.30 og vera helst búin að snæða kvöldverð. Það tekur um þrjá klukkutíma að komast í Landmannahelli. Fáum okkur kvöldkaffi við komuna í skálann, minglum og förum í háttinn.
DAGUR 2
LANDMANNALAUGAR
Eftir morgunmat tekur við um klukkutíma keyrsla til Landmannalauga. Þetta svæði er algjörlega magnað og kjörið til fjallahjólreiða. Heill hellingur af stígum leiða okkur um fjallaskörð, yfir hraun og upp á hryggi. Endalausir möguleikar! Keyrt til baka í Landmannahelli í eftirmiðdaginn, eftir gott bað í heitu lauginni í Laugum.
DAGUR 3
LANDMANNAHELLIR
Ræs og dýrindis morgunmatur. Við byrjum að hjóla beint frá skálanum í ca 5 km. á malarvegi. Síðan tekur við frábær leið upp Dómadalshálsinn og niður að Dómadalsvatni. Þar er komið niður á stíg sem leiðir okkur hálfhring í kring um vatnið. Seinni helmingur dagsins er klifur alla leið upp á Löðmund. Klifrið er svo sannarlega niður leiðarinnar virði, sem sú allra besta sem við þekkjum! Endum daginn beint fyrir framan skálann í Landmannahelli. Fáum okkur snarl, göngum frá skálanum og leggjum í hann heim á leið.

2021
9 - 11 júlí 2020
16 - 18 júlí 2020
6 - 8 ágúst 2020
27 - 29 ágúst 2020
10 - 12 september 2020

HÓPASTÆRÐ
8 - 12 manns


SÉRHÓPAR!
Við getum skipulagt þessa ferð fyrir sérhópa sem vilja velja sínar eigin leiðir og dagsetningar.
Sendið okkur fyrirspurn og óskið eftir tilboði: info@bikecompany.is

MATUR
Munum ekki verða fyrir vonbrigðum í þessum kafla ferðarinnar!
Morgun- og kvöldmatur er undirbúinn og reiddur fram af leiðsögumanni. Eldhúsaðstaðan í skálunum í Landmannahelli er til fyrirmyndar. Nóg pláss og vítt til veggja fyrir litla hópa.
Hádegismatur er næringarríkt og hollt nesti sem þið útbúið sjálf og við gæðum okkur á þegar best hentar yfir daginn.
Við erum með aukaorkubari (þurra ávexti, hnetur, kex og súkkulaði).

GISTING
Gistum tvær nætur í svefnpokaplássi í upphituðum fjallaskála í Landmannahelli. Gerist ekki betra!

ERFIÐLEIKASTIG
Ferð fyrir frekar vana fjallahjólara sem telja sig í góðu líkamlegu formi. Leiðirnar eru á köflum frekar tæknilegar og þörf er á því að vera með góða hraða- og bremsutækni. Dagleiðir eru um 15 -20 km. 4 - 5 klst á dag með hádegishvíldinni.

TRÚSS
Berum aðeins létta bakpoka yfir daginn. Allt annað dót er hægt að geyma í bílnum.

STÍGAR OG LEIÐIR
Flottustu einstigi landsins og þótt víðar væri leitað.

TRYGGINGAR
Í fjallahjólaferðum er mikilvægt að vera með góða tryggingu. Ferðatryggingar eru yfirleitt innifaldar í fjölskyldutryggingum og ef ferð er greidd með kreditkorti en við ráðleggjum þér að staðfesta fyrir brottför að þínar tryggingar tryggi þig í þeirri ferð sem þú velur þér, bæði þig og hjólið þitt.

ÚTBÚNAÐARLISTI
Fulldempað fjallahjól, hjálmur og hjólaskór fyrir flata pedala. Afar mikilvægt að hjólið sé vel yfirfarið og í toppstandi fyrir ferð.

í bakpoka
  • Langerma hjólapeysa
  • Þunn micro-flíspeysa innanundir
  • Þunn dún- eða primaloft úlpa
  • Gore-tex stakkur
  • Fjallahjólastuttbuxur
  • Púðabuxur (stuttar eða síðar)
  • 2 aukapör sokkar úr ull
  • Hlýir og góðir hjólavettlingar eða hjólagrifflur
  • Sólgleraugu og sólvarnarkrem
  • Myndavél, Go-Pro, GPS, Garmin...
  • Vatnsbrúsar á hjóliðeða camelpoki
  • Helstu varahlutir sem gott væri að hafa með fyrir hjól af ykkar gerð!
Á næturstað:
  • Svefnpoki
  • Handklæði
  • Sundföt
  • Auka nærfatnaður
  • 2 pör af aukasokkum
  • Kósíföt og inniskór
  • Dúnúlpa
Sameiginlegur búnaður sem hópurinn skiptir með sér:  
  • Lágmark fyrstuhjálparbúnaður
  • Burstar, tuskur og nóg af keðjuolíu
  • Pumpur / demparapumpa
  • Fjölverkfæri fyrir hjól
  • Keðjuþvinga
  • Slöngur (Ath. með réttum ventlum m.v. hjól)
  • Dekkjaviðgerðarsett
  • Lítil bensli (plastbönd) / tesateip
  • Keðjuhlekkir
  • Bremsuvökvi og blæðiset
  • Kaplar fyrir afturbremsur/afturgíra
  • Gjörð/dekk
  • Komið endilega með það sem þið eigið á ykkar hjól

TIL LEIGU
Verður staðfest síðar.

single track madness iceland

MYNDAALBÚMIÐ

Ljósmyndir segja meira en mörg orðin. Kíktu á nokkrar ljósmyndir úr ferðum okkar síðastliðin ár.
single track madness video

VIDEÓ

Stutt myndband sem að var tekið saman úr samskonar ferð sumarið 2019. Gefur góða mynd af því sem koma skal.
single track madness iceland

BLAÐAGREIN

Þessi grein kom út á HAPPY RIDE.SE í Svíþjóð í september 2019 og fjallar um nákvæmlega þessa ferð. Hópur sænskra hjólara kom til Íslands síðasta sumar með ljósmyndaranum Frederic Schenholm. Þeir voru sáttir!
TOP