PERÚ: FJALLAHJÓLAFERÐ

 


ANDESFJÖLLIN; TOPPURINN Á TILVERUNNI!

Heilir 6 dagar af masterpís hjólaleiðum, sem að eru frægar fyrir bæði fjölbreytileik og flæði. Svæðið býr þar að auki yfir magnaðri menningarsögu og ólýsanlegri fjallafegurð. Hjólaðar verða þjóðleiðir í hinum heilaga dal “The Sacred Valley” sem staðsettur er í rúmlega 4,000 metra hæð yfir sjávarmáli fyrir ofan borgina Cusco í samnefndu héraði.
Við hjólum fram hjá afskekktum þorpum og endalausum ökrum, hittum lamadýr á hverju horni og kynnumst lífsháttum innfæddra.


2020
21. október - 1. nóvember
30. október - 9. nóvember

HÓPASTÆRÐ
8 - 10 manns


SÉRHÓPAR!
Við getum skipulagt þessa ferð fyrir sérhópa sem vilja velja sínar eigin leiðir og dagsetningar.
Sendið okkur fyrirspurn ef og óskið eftir tilboði: info@bikecompany.is

21.OCT -1. NOV
FI615 21OKT KEF JFK 17:00 19:10
LA531 21OCT JFK LIM 23:25 06:00+
LA2012 22OCT LIM CUZ 08:59 10:25
LA2002 31OCT CUZ LIM 05:00 06:21
LA2474 31OCT LIM ORL 08:25 14:35
FI688 31OCT ORL KEF 18:45 06:00+

31. OCT - 9. NOV
FI615 30OKT KEF JFK 17:00 19:20
LA531 30OCT JFK LIM 23:40 06:20+
LA2123 31OCT LIM CUZ 09:05 10:28
LA2002 08NOV CUZ LIM 05:28 06:55
LA2474 08NOV LIM ORL 08:25 14:35
FI688 08NOV ORL KEF 17:45 06:00+

Verðhugmynd er um 200,000 ISK + kostnaður fyrir hjól.
Þessar upplýsingar eru aðeins til þess að gefa hugmynd að mögulegum flugum og er ekkert endilega besti möguleikinn. Ekki er tekin ábyrgð á verði eða sætaframboði.

VERÐ
280,000 ISK á mann

STAÐFESTINGARGJALD
25% af heildar upphæð ferðarinnar
INNIFALIÐ
  • Transfer frá og til Alejandro Velasco Asteteflugvallar í Cusco
  • Allt nauðsynlegt skutl með fólk og hjól
  • Gistingar eins og kemur fram í leiðarlýsingu
  • Lókal fjallahjóla leiðsögumaður sem talar góða ensku
  • Íslenskur leiðsögumaður
  • Drykkjarvatn, snakk og ávextir að vild
  • 7 morgunverðir, 6 hádegisverðir og 3 kvöldverðir
  • 3 nætur í Cusco
  • 5 nætur í The Sacred Valley (La Casa de Aida)
  • Aðgangseyrir á áhugaverða staði á degi 2 og 6
  • Viðgerðastandur og verkfæri
  • Nauðsynlegustu “first aid” græjur, satelit sími og talstöðvar
EKKI INNIFALIÐ
  • Flug frá Íslandi til Cusco
  • Nauðsynlegar ferðatryggingar
  • Heimsókn til Machu Picchu á degi 6 (200 USD)
  • Gos drykkir, bús og auka persónulegt snakk
  • Fjallahjól og allur persónulegur búnaður sem er nauðsynlegur fyrir hjólaferð (listinn kemur síðar)

DAGUR 1
FLUG FRÁ ÍSLANDI
Brottför frá Íslandi seinnipartinn til New York. Þaðan er flogið með næturflugi til Lima.
DAGUR 2
KOMIÐ TIL CUSCO
Lent snemma morguns í Lima og fljúgum þaðan áfram til Cusco. Móttökur á Alejandro Velasco Astete alþjóðaflugvellinum í Cusco og transfer beint á gistinguna okkar í hinu heillandi San Blas hverfi í Cusco. Fáum okkur góðan brönsk, setjum saman hjólin og hittum leiðsögumennina okkar. Gögnuferð um í Cusco svefninn. Reynum að hvílast sem best fyrstu nóttina í þunnu fjallaloftinu eftir langa flugferð hálfa leið yfir hnöttinn.
DAGUR 3
FYRSTI HJÓLADAGURINN
Við byrjum daginn á skutli uppí fjöllin og hjólum niður nokkrar af vinsælustu leiðum svæðisins í kring um Cusco í 3,800 metra hæð. Þær liggja um afskekkt þorp og gamlar Inka rústir. Dagurinn endar á því að hjóla beint niður á gistiheimilið okkar eða á torginu “La Plaza de Armas” í miðbæ Cusco.
HJÓLAÐ: 18 km | KLIFUR: 400 m | LÆKKUN: 2,373 m | TÍMI: 2,5 - 3,5 klst | TRANSFER: 1,5 klst
DAGUR 4
HUCHUY QOSQO INCA FORT
Byrjum daginn á epísku klifri í 3,800 metra hæð! Við leggjum í hann frá Cusco í átt að þorpinu Cuper Alto. Eftir um 1.5 klukkustunda klifur, erum við komin í 4,320 metra hæð. Þegar við komum á toppinn tekur á móti okkur magnað útsýni til allra átta yfir Andesfjöllin. Eftir góða hvíld og nestispásu á toppnum, hjólum við niður Inka Trail í átt að Sacred Valley. Þessi gamli stígur býður uppá hratt flæði á þéttum jarðvegi. Við stöldrum nokkrum sinnum við á leiðinni niður til þess að njóta útsýnisins áður en komið er að rústum Huchuy Qosqo Inca virkisins. Hádegisnestið maulað áður en haldið er áfram niður nokkuð tæknilegan stíg í átt að bænum Calca. Dagurinn endar svo í stuttu klifri til þess að komast á næturstaðinn okkar í Sacred Valley.
HJÓLAÐ: 21 km | KLIFUR: 1,160 m | LÆKKUN: 2,000m | TÍMI: 5 klst | TRANSFER: 1,5 klst
DAGUR 5
LAMAY DALURINN
Þeir sem að hafa hjólað leiðirnar í Lamay-dalnum vilja meina að þær séu ógleymanlegar. Þetta eru leiðirnar sem þú munt ávallt bera saman við allt sem þú hjólar í framtíðinni og sem munu sniglast inní drauma þína og hvísla dauft, „hvenær kemur þú aftur?“ Við hjólum niður þrjár leiðir og fáum skutl upp á fjall fyrir hverja og eina. Hér er samankomin hin fullkomna blanda af flæði, tækni og stórkostlegu landslagi. Tríó sem vekur upp stjórnlaust gleði í hjarta allra fjallahjólara!
HJÓLAÐ: 42 km | KLIFUR: 340 m | LÆKKUN: 3,000m | TÍMI: 4,5 klst | TRANSFER: 2 klst
DAGUR 6
MACHU PICCHU
Við tökum lest frá Ollantaytambo og síða rútu áfram til Machu Picchu. Það er talin stórkostleg upplifun að heimsækja þessar vel varðveittu rústir hinnar fornu Inkaborgar, sem er eitt af sjö undrum veraldar. Við fáum leiðsögn til að byrja með en síðan nægan tíma til þess að rölta um sjálf á okkar eigin hraða og vilja. Ef að þú vilt frekar hjóla eða hvíla þig þennan dag þá er það líka mögulegt. Athugið að kostnaðurinn er aukalega 200 USD á mann sem greitt er á staðnum.
DAGUR 7
INKA TRAILS
Byrjum daginn á léttu klifri uppí 4,600 metra til þess að komast í leynislóða leiðsögumannsins okkar sem leiðir okkur niður í óbyggðan dal að hinum ævifornu Ancashmarka rústum. Seinna um daginn fáum við skutl yfir “Lares Pass” skarðið upp í 4.461 metra, þaðan sem við hjólum Lares slóðina sem er tiltölulega létt miðað við það sem áður hefur verið hjólað. Hún er þó fjölbreytt og leiðir okkur í gegnum gljúfur, gil, klettagöng og önnur náttúrundur. Endum túrinn beint fyrir framan gistihúsið okkar.
HJÓLAÐ: 33 km | KLIFUR: 400 m | LÆKKUN: 2,800m | TÍMI: 5 klst | TRANSFER: 1,5 klst
DAGUR 8
PATACANCHA SKY HIGH ENDURO
Dagurinn byrjar á skutli til Yanamayo skarðsins í 4,350 metrum. Þar sem við hjólum hluta af “Enduro Patacancha” keppnisleiðinni sem er talin vera ein af þeim skemmtilegustu í heimi. Magnaðar leiðir um mjóa fjallshryggi, skógivaxin klettabelti og mjúkar sandhlíðar. Eftir hádegisverðarstopp í þorpunu Willoc, klifrum við upp til Pumamarka og endum daginn á að hjóla enn eina masterpís leiðina niður í Ollantaytambo þorpið.
HJÓLAÐ: 28 km | KLIFUR: 380 m | LÆKKUN: 1,840m | TÍMI: 5 klst | TRANSFER: 2 klst
DAGUR 9
SOUTH VALLEY
Í “South Valley” dalnum er lítið um fjallahjólreiðar, jafnvel lókalinn á Cusco svæðinu fer ekki mikið um þetta svæði. Okkar menn hafa skoðað leiðirnar þarna í mörg ár og þekkja svæðið eins og handarbakið á sér. Síðasti hjóladagurinn okkar er blanda af tveimur epískum “single track” leiðum. Annars vegar “The Radar” sem byrjar í 4,500 metra hæð með útsýni yfir Mt. Ausangate og er algjör rússíbanaleið í byrjun og endar í þröngum línum sem henta fullkomlega fyrir fjallahjól. Eftir hádegismat fáum við annað skutl upp og endum ferðina á annarri línu niður dalinn. Algjörlega 5 stjörnu hjóladagur! Keyrum til Cusco í lok dags og njótum lífsins síðasta kvöldið okkar í Perú.
HJÓLAÐ: 23 km | KLIFUR: 180 m | LÆKKUN: 2,240m | TÍMI: 3-4 klst | TRANSFER: 3 klst
DAGUR 10
FLUG FRÁ PERÚ TIL ÍSLANDS
Transfer á flugvöllinn á Cusco og flug til Íslands í gegnum USA. Lent í Keflavík snemma morguns daginn eftir.

TRÚSS
Bara léttir bakpokar yfir daginn. Fáum skutl með farþega og hjól uppí fjöllin alla daga.

MATUR
Allur morgunmatur er innifalinn á gistiheimilunum.
Allt hádegisnesti er innifalið fyrir utan frídaginn á degi 6
Kvöldmatur er innifalinn fyrir utan tvö kvöld. Við borðum á lókal veitingastöðum, vel völdum af heimamönnum.

GISTING
3 nætur í Cusco á Hotel Andenes de Saphi
5 nætur í The secret Valley á La Casa de Aida

ERFIÐLEIKASTIG
Ferð fyrir vana fjallahjólara sem hjóla reglulega og eru vel á sig komnir líkamlega. Leiðirnar eru mjög tæknilegar og þörf á því að hafa fullkomna stjórn á hraða-og bremsutækni. Best er að skoða Youtube myndböndin í leiðarlýsingunni til þes að sjá hvernig leiðirnar líta út.

STÍGAR OG LEIÐIR
Flottustu “single track” leiðir í heiminum.

HITASTIG Í OKTÓBER OG NÓVEMBER
Hitinn í byrjun september getur farið allt uppí 28°C og niður í 14°C, meðalhiti sem sagt 21°C. Ef við lendum í hitabylgju þá er farið fyrr af stað á morgnana og tekinn góð pása yfir heitasta tíma dagsins.

TRYGGINGAR
Í fjallahjólaferðum er mikilvægt að vera með tryggingu sem örugglega virkar. Ferðatryggingar eru venjulega innifaldar í kreditkortum eða heimilistrygginunum en það er gott að athuga nákvæmlega hvort þínar tryggingar virka fyrir fjallahjólaferðir. Ef að þú vilt fá þér auka tryggingu þá mælum við með WORLD NOMADE sem sérhæfa sig í tryggingum fyrir ævintýraferðir.


 

NÆSTU SKREF
Þegar þú hefur bókað ferðina færðu sendar meiri upplýsingar ásamt útbúnaðarlista.

SPURNINGAR?
Endilega sendu okkur tölvupóst ef þú hefur einhverjar spurningar info@bikecompany.is
MEIRI UPPLÝSINGAR UM SVÆÐIÐ
PERU TRAVEL

MEIRI UPPLÝSINGAR UM SVÆÐIÐ

Hér er linkur á "Peru Travel" þar sem hægt er að finna ýmsar upplýsingar um land og þjóð.
FJALLAHJÓLAÐ Í PERÚ
YOUTUBE VÍDEÓ

FJALLAHJÓLAÐ Í PERÚ

Það er mikið til af youtube myndböndum af svæðinu. Hér er eitt frá skipuleggjendunum okkar hjá Bike Perú sem gefur góða mynd af því sem koma skal.
MYNDAALBÚMIÐ
LJÓSMYNDIR

MYNDAALBÚMIÐ

Ljósmyndir segja meira en mörg orðin. Kíktu á nokkrar ljósmyndir frá vinum okkar hjá Bike Perú.
TOP